" तुझ्या वाटेवर..."

तुझ्या वाटेवर माझा

प्राजक्त तसाच सोडून आले

तू म्हणतोस हे अचानक

बहर कुठू आले...

वाट दरम्यानची 

तूच नागमोडी करतोस

आणि सड्याचा दरवळ पाहून

तूच हरखतोस...

ओठांवर ल्यालेय

तुझं चांदणं अजूनही

बहरतेय तुझी

स्पर्श-पोर्णिमा अजूनही...

रानमाळ लाज धरुन

वावर सजलाय

बघतोयस ना... आज नव्याने

प्राजक्त जास्तच डावरलाय...

बघ... परतता येतयं का

त्या जुन्याच वाटेवर

आवडत्या प्राजक्तासाठी तुझ्या

जरा घे मनावर...