ଆଜି ଏ ସାଧାରଣତନ୍ତ୍ର ଦିବସେ
ଆଜି ଏ ସାଧାରଣତନ୍ତ୍ର ଦିବସେ
ଆମର ଭାରତ ସଦା ଜ୍ଞାନ ରତ
ବିଶ୍ୱରେ ବିଜୟଧ୍ଵଜା ଉଡାଏ
ଗଗନ ପବନ ମୁଖରିତ କରି
ଜନଗଣ ମନ ସଂଙ୍ଗୀତ ଗାଏ ।
ବିଶ୍ଵବିଖ୍ୟାତ ଏ ସାଧାରଣତନ୍ତ୍ର
ଦେଶର ଶାସନ ଚାଲିବା ପାଇଁ,
ସଂସଦୀୟ ଗଣତନ୍ତ୍ର ପ୍ରଚ଼ଳନ
ଜନଙ୍କୁସୁବିଧା ଦିଏ ଯୋଗାଇ ।
ଗୋରା ମାନଙ୍କୁ କରି ପରାଜିତ
ଶାସନ ଖସଡ଼ାସ୍ୱତନ୍ତ୍ର ଭାବେ,
ସମ୍ବିଧାନଟିଏ ପ୍ରସ୍ତୁତ ହୋଇଲା
ଭାରତ ସ୍ଵାଧୀନ ହୋଇଲା ଯେବେ ।
ରାଜେନ୍ଦ୍ର ପ୍ରସାଦ ସର୍ଦ୍ଦାର ପଟେଲ
ଏକ ବର୍ଷ ପରେ ସ୍ଵାଧୀନତାର
ମୌଲାନା ଆଜାଦ ଜବାହାରଲାଲ
ରାଧାକ୍ରିଷ୍ଣନ୍ ଆଦି କରି ବିଚାର ।
ଡକ୍ଟର ଭୀମରାଓ ଆମ୍ବେଦକର
ମୁଖ୍ୟଭୂମିକାକୁ ନିର୍ବାହ କଲେ
ଉଣେଇଶ ଶହ ଅଣଚାଶ ସାଲେ
ଏହି ଶୁଭକାର୍ଯ୍ୟ ଆରମ୍ଭି ଥିଲେ ।
ଉଣେଇଶ ଶହ ପଚାଶ ମସିହା
ଜାନୁୟାରୀ ଛବିଶ ତାରିଖରେ,
ଲୋକାର୍ପିତ ହୋଇ କାର୍ଯ୍ୟକାରୀ ହେଲା
ଆମ ରାଜଧାନୀ ନୂଆଦିଲ୍ଲୀରେ ।
ସ୍ଵାଧୀନଦେଶର ସାର୍ବଭୌମତ୍ୱକୁ
ସମ୍ମାନ ଜଣାଇ ଜାତୀୟ ଧ୍ଵଜା,
ଉଡଇ ଆକାଶେ ଦ୍ରିମ୍ ଦ୍ରିମ୍ ତାଳେ
ପାରେଡ୍ ଚାଲୁଥାଏ ବାଜଇ ବାଜା ।
ଦେଶ ପାଇଁ ଯିଏ ନିଗାଡି ରକତ
ଶହୀଦ ହୋଇଲେ ତାଙ୍କର ନାମ
ଦେଶର ନିର୍ମାଣେ ମଙ୍ଗଳ ସାଧନେ
କରି ଯାଇଛନ୍ତି ମହତକାମ ।
ଅମର ଶହୀଦ ଦେଶପ୍ରେମୀଙ୍କର
ନାମକୁ ସ୍ମରଣ କରିବା ଆମେ
ଶ୍ରଦ୍ଧାଞ୍ଜଳି ଦେଇ ଜୟଗାନଗାଇ
ଧନ୍ୟହେବା ମାଆ ଭାରତୀ ପ୍ରେମେ ।