ଘରକୁ ସୁନ୍ଦର ଘରଣୀ
ଘରକୁ ସୁନ୍ଦର ଘରଣୀ
ଘରକୁ ସୁନ୍ଦର ଘରଣୀ ତ ଥିଲେ
ଆକାଶକୁ ଦିଶେ ତାରା
ବହୁ ବିଜ୍ଞଜନ ଏହି କଥା ସବୁ
କହି ଯାଇଥିଲେ ପରା ॥
ମୋହରି ଘରଣୀ କଥାଟି କହିବି
ଶୁଣିବଟି ଦେଇ ମନ
ଶୁଣିଲା ପରେ ବାହା ହେବ ପାଇ ତ
କରିବ ନାହିଁ କେବେ ମନ ॥
ସେଏ ଆମ ଘର ଆସିଲା ଦିନଠୁ
ଶାନ୍ତିରେ ଶୋଇନି ଦିନେ
ଯଦି କେବେ ତାକୁ ରାଗିକି କହୁଛି
ଚଖେଇ ଦଉଛି ପାନେ ॥
ସବୁବେଳେ ପରା ଶଳା ଶାଳିଙ୍କର
ଡିମାଣ୍ଡ ହୁଏ ପୁରଣ
ନହଲେ ଭାଇ ଦେଉନାହି ସେ ତୁଣ୍ଡେ
ଭାତ ଲଙ୍କା ଟିକେ ଲୁଣ ॥
ମନେ ମନେ ଥରେ ଉପାୟ ପାଞ୍ଚିଲି
ଘରୁତାକୁ ତଡି ଦେବି
ଏକୁଟିଆ ହୋଇ ରହିଯିବି ପଛେ
ତାକୁ ଆଉ ନ ଆଣିବି ॥
ନିଦ ବାଉଳା ରେ କହିଦେଲି ସବୁ
ଯାହା ମନେ ଥିଲି ଭାବି
ରାଗିଯାଇ ପୁରା ନାଲି ପଡିଗଲା
ତଡାରେ ଦେଲାସେ ଖୋବି ॥