ମୁହଁ ହୋଇଗଲା ବଙ୍କା
ମୁହଁ ହୋଇଗଲା ବଙ୍କା
ମୁହଁ ହୋଇଗଲା ବଙ୍କା
ଯେବେ ଜାଣିଥିଲି
ଫେସବୁକ ପ୍ରେମ ,ପ୍ରେମ ତ ନୁହଇ
ସବୁ ଗୋଟେ କୁହୁଳିକା ॥
ମିଛି ମିଛିକା ପ୍ରେମ କରୁଥିଲା
ଗୋଟିଏ ସୁନ୍ଦରୀ ଝିଅ
କେତେ କେତେ ମିଠା କଥା କହୁଥିଲା
ପଖାଳେ ପକାଇ ଘିଅ ॥
ପ୍ରେମରେ କେତେଯେ ଆଳପ କରଇ
କରେନାହି କେବେ ଶଙ୍କା
ମନେ ମନେ ମୁହି ଗୁଡ ଖାଉଥାଇ
ପାଇ ଫେସବୁକ ପ୍ରେମିକା ॥
କଥାଟି ତାହାର ବାଟୁଳି ପଥର
ମାରୁଥାଏ ପରାଟାଣି
ହୃଦୟକୁ ମୋହର ଚୋରି କରି ନେଲା
ତାର ସେ ଚୋରା ଚାହାଣି ॥
ଏମିତି କେତେଯେ ପେରେମ ଚାଲିଲା
ବର୍ଷ ଆଉ ଦିନ ମାସ
ଆଉସେ ଫାନ୍ଦରୁ ବାହାରି ନପାରି
ହୋଇଗଲି ସର୍ବନାଶ ॥
ଥରେ ମୁ ଜାଣିଲି ଫେସବୁକ୍ ବାଲି
ଝିଅ ନୁହେ ଶଳା ଟୋକା
ଏମିତି ଖବର ପାଇଲା ପରେ ତ
ଭାଇ ମୋ ମୁହ ହୋଇଗଲା ବଙ୍କା ॥