ମଳିନ
ମଳିନ
1 min
201
ଆଜି ମୁଁ ଦଣ୍ଡାୟମାନ
ପରାଜିତ ସୈନିକଟି ପରି
ଅଲୋଡା ଆଖୋଜା
ପରିତ୍ୟକ୍ତ କାଠଗଣ୍ଡି ପରି l
ମୁଁ ଯେ ନିଃସହାୟ, ଆଶ୍ରାହୀନ
କାନ୍ଦିବା ଛଡ଼ା ବାଟ କାହିଁ
ଅଶ୍ରୁ ସାଥେ ଦିଶାହୀନ l
ଦିନ ଥିଲା,ସରାଗରେ
ଖୋଜୁଥିଲେ, ଲୋଡୁଥିଲେ
ଆତ୍ମହରା ହେଉଥିଲେ
ଦିବସ ମଧ୍ୟାହ୍ନ l
ହେଲେ ଆଜି,
ବଦଳି ଯାଇଛି ସମୟ
ଅଭିମାନ ସବୁ ବନ୍ଧା
ବୁଜୁଳା ଭିତରେ
ସାୟାହ୍ନ କି ଅପରାହ୍ନ
ଠିକଣା ବିହୀନ l
ଆବଶ୍ୟକତା ଯେ ନାହିଁ
କିଏ କିଆଁ ଖୋଜିବ
ମୋ ଦରଦ,ମୁଣ୍ଡ ବିନ୍ଧା
ମୁଁ ଯେ ଏକ
ଗୋଲକ କାହାଣୀ l
ତ୍ୟାଗ ସେବା,ସାଧନା
ସମୟର ସ୍ୱାର୍ଥପର ସୁଅରେ
ଅନ୍ତର୍ଦ୍ଧାନ କାୟାହୀନ l
ସ୍ବାର୍ଥ ଚରିତାର୍ଥ ପରେ
କିଏ ଅଛି ଶୁଣିବାକୁ
ଅରଣ୍ୟ ରୋଦନ
ସବୁ ଆଜି ଦୃଶ୍ୟମାନ
ମଳିନ ମଳିନ ମଳିନ।