ନୀଳ ସାଗର
ନୀଳ ସାଗର
ଧୁମ୍ରାଭଦିଗନ୍ତ ସତେ ସ୍ପର୍ଶକରେ ଅଗାଧଜଳରାଶିକୁ
ଢେଉ ଢେଉକା ତରଙ୍ଗମାଳ ନୃତ୍ୟ କରନ୍ତି ନିତି
ବିସ୍ତୀର୍ଣ୍ଣ ଜଳରାଶିର ଆଗମନ ପ୍ରସ୍ଥାନରେ
କ୍ଷଣ ପରେ କ୍ଷଣ ବ୍ଯାକୁଳିତ ମନ
ପ୍ରତିମୁହୂର୍ତ୍ତରେ ସୁ ସୁ ନାଦ
ମୁଖରୀତ ଗୁଞ୍ଜରୀତ ବେଳାଭୂମିର ତୀର।
ଝଲସା ସୂରୁଜର ଝିଲିମିଲି କିରଣ
ନୀଳ ଜଳରାଶି ମଧ୍ୟେ ସ୍ୱର୍ଣ୍ଣର ଭ୍ରମ
ସୁ ସୁ ଗର୍ଜନ ସର୍ବଦା କରି
ଜଳେ ଓଦାକରେ ବିସ୍ତୀର୍ଣ୍ଣ ବେଳାଭୂମି ।
ଦୂର ଦୂରାନ୍ତରୁ ଝାପ୍ସା ଦର୍ଶନ
ବୋଇତମାନଙ୍କ ଘନ ଘନ ବୈଠକ
କ୍ଷଣ ପରେ କ୍ଷଣ ପ୍ରତିକ୍ଷଣ
ଲହଡିର ଯା.... ଆସ ଦୃଶ୍ୟ
ଶାନ୍ତ ମନରେ ଆଶଙ୍କା ଅନେକ
ଆଶାର ଉତଥାନ ପତନ ପରି
ନୀଳାର୍ଣ୍ଣବ ରଚେ ମନେ
ଅପୂର୍ବ ଭାବନା ଆଉ ଭାଷାନ୍ତର।