ନଟିଆ ଠାକୁର
ନଟିଆ ଠାକୁର
1 min
354
ନଟବର ତୁହି ନାଟ ଲଗାଉଛୁ
ତୋ ବଡଦେଉଳେ ରହି
ସଭିଙ୍କୁ ଡାକୁଛୁ ପାଖକୁ ତୋହର
ମୋତେ ଡାକୁନାହୁଁ କାହିଁ?
ଦେଖିବାକୁ ତୋତେ ଇଚ୍ଛା ମୋ ପ୍ରବଳ
ଲଗା ଥରେ ତୋର ଡୋରି
ତୋ ଚକା ଆଖିକୁ ଦେଖି ପଲକରେ
ପାପ ଯାଉ ମୋର ସରି।
ତୁଣ୍ଡ ମୋ ଝୁରୁଛି ତୋ ଅବଢ଼ା ଅନ୍ନ
ଆଉ ତୋର ନାମ ଗାନ
ମୋ ଆଖି ଝୁରୁଛି ତୋ ଚକାନୟନ
କର୍ଣ୍ଣ ଝୁରେ ସଂକୀର୍ତ୍ତନ।
ଅଙ୍ଗ ପ୍ରତ୍ୟଙ୍ଗ ମୋ ତୃପ୍ତ ହୋଇଯିବ
ହେବ ପୂର୍ଣ୍ଣ ସବୁ କାମ
ଏ ସର୍ବ ସମ୍ଭବ ତୋ ଦୟା ବଳରେ
ଡାକିଲେ ତୁ ପୁରସ୍ତମ।