ମଶାଣିର ଅଟ୍ଟହାସ୍ୟ
ମଶାଣିର ଅଟ୍ଟହାସ୍ୟ
ହୃଦେ ଅହଙ୍କାର ଆଭୂଷଣ କରି
ଗର୍ବ କରୁ ଧରି ଯଶ,
ମଶାଣି ଭୂଇଁଟି ଅଟ୍ଟହାସ୍ୟ କରେ
ଦେଖି ମଣିଷ ପାଉଁଶ।
କି ପାଇଲୁ ତୁହି ପରନାମେ କହି
କି ଅବା ଯିବୁ ତୁ ନେଇ
ତ୍ୟଜି ଉପକାର କରୁଛୁ ଗରବ
ଧନ ସମ୍ପତ୍ତି ଦେଖାଇ।
ଟିକେ ଉପକାର କରିଥିଲେ ପରା
ଚାରିପାଖେ ଥା'ନ୍ତେ ନର,
ଅହଙ୍କାର ରଖି କ'ଣ ତୁ ପାଇଲୁ
ପାଖେ ଖାଲି ପରିବାର।
ସାମାନ୍ୟ ସାହାଯ୍ୟେ ମୁଖେ ବଞ୍ଚିଥାନ୍ତୁ
ବର୍ଷ ବର୍ଷ କାଳ କାଳ,
ଭାବୁଛୁ କି ତୁହି ସ୍ଵଜନଙ୍କ ମନେ
ରହିଥିବୁ ଚିରକାଳ।