ପବିତ୍ର ସେ ଡୋର
ପବିତ୍ର ସେ ଡୋର
ରାକ୍ଷୀ ନୁହେଁ ସୂତାଖିଅ ପବିତ୍ର ସେ ଡୋର
ପ୍ରୀତିପୂର୍ଣ୍ଣ ବନ୍ଧନର ଏକ ସୂତ୍ରଧର ।
ଈଶ୍ୱରଙ୍କ ବରଦାନ ଭରା ଉପହାର
ପବିତ୍ରତା ମହାଶକ୍ତି ମିଠା ସମ୍ପର୍କର ।
ଭାଇ ଭଗ୍ନୀ ରୂପେ ଦୁଇ ନିର୍ମଳ ହୃଦର
ଅସୀମିତ ଭାବୋଚ୍ଛ୍ୱାସ ମିଶ୍ରିତ ନିର୍ଝର ।
ସୁରକ୍ଷା କବଚଟିଏ ଦୃଢ଼ ବିଶ୍ୱାସର
କଳିହୁଏ ନାହିଁ କେବେ ମୂଲ୍ୟ ଯେ ତାହାର ।
ଶାଶ୍ୱତ ଅମୃତମୟ ମନ୍ତ୍ରେ ଭରପୂର
ଅନାବିଳ ସ୍ନେହଶ୍ରଦ୍ଧା ତା'ର ଅନ୍ତଃସ୍ଵର ।
କର୍ତ୍ତବ୍ୟର ପରିଭାଷା ଗାଇ ନିରନ୍ତର
ଅଦୃଶ୍ୟରେ ଶିକ୍ଷାଦିଏ ନିଃସ୍ୱାର୍ଥ ପ୍ରେମର ।
ନିଆରା ଆବେଗ ଗୁନ୍ଥା ମମତା ସ୍ବାକ୍ଷର
ରାକ୍ଷୀ ନୁହେଁ ସୂତାଖିଅ ପବିତ୍ର ସେ ଡୋର ।