ପ୍ରକୃତି ରାଣୀ

ପ୍ରକୃତି ରାଣୀ ଲୋ ପ୍ରକୃତି ରାଣୀ

ଦୁଃଖ ଲାଗେ ଶୁଣି ତୋ କାହାଣୀ

ତୁ ତ ସବୁଠୁ ସୁନ୍ଦର ବୋଲି   

ଭଲ ପାଉଛନ୍ତି ତତେ

ନାନା ପ୍ରାଣୀ ତୋ ଦେହେ ବାସ କରି 

ନଷ୍ଟ କରୁଛନ୍ତି କେତେ  

ହାଏ ଲୋ ପ୍ରକୃତି ରାଣୀ

ତତେ ଦୁଃଖ ଦେଇ ଆପଣା ଦୁଃଖକୁ    

ଡାକୁଛନ୍ତି ଜାଣି ଜାଣି ।

ଜୀବନଙ୍କ ଭିତରେ ଶ୍ରେଷ୍ଠ ଅଟେ

ଆମର ମଣିଷ ଜାତି

ବିପଦର ନୁଆଁ ପଥ ପ୍ରସ୍ତୁତିରେ

ସିଏ ଯାଇ ଅଛି ମାତି  

ହାଏଲୋ ପ୍ରକୃତି ରାଣୀ

ପୋଛିବାକୁ ନାହିଁ କେହି ମଧ୍ୟ ଏଠି   

ତୋହରି ଆଖିର ପାଣି ।

 

ତୋହରି ଦେହରେ କଳକାରଖାନା    

ଗଢ଼ି ନାନା ରକମର   

ଯେତେ ଯାହା କିଛି କରନ୍ତୁ ସୁବିଧା 

ନିଶ୍ଚେ ହେବେ ଛାରଖାର,   

ହାଏ ଲୋ ପ୍ରକୃତି ରାଣୀ

ତୁ ଯାହା ମନେ ଭାବୁଛୁ ଭାବୁଥା   

ଇଏ ଅଟେ ମନ୍ଦ ବାଣୀ ।