ନଦୀ
ନଦୀ
ନଦୀରେ ନଦୀ ତୁ ଚିରସ୍ରୋତା ନଦୀ
ନାହିଁ ତୋ ବିଶ୍ରାମଗାର
ବିଶ୍ରାମ ଲଭିଲେ ଅଳସୁଆ ପଣେ
ଛୁଁଇବୁନି ପାରାବାର l
ଗହନ ବନର ଦଦରିଆ ପଥ
ଅଙ୍କାବଙ୍କା ଅତିକ୍ରମ
ଗାଁ ଗାଁ ବୁଲି ନଦନଦୀ ମେଳି
କରିଥାଉ ପରିଶ୍ରମ l
ଅଜଣା ନଦୀକୁ ନଦୀ ସହ ଯୋଡି
ଭରିଦେଉ ପ୍ରୀତି ଭାବ
ତୋ ଭାବର ମୂଲ୍ୟ ତୋ କର୍ମର ତୁଲ୍ୟ
ଜଗତେ ଆଉ କେ ହେବ l
ନଦୀରେ ନଦୀ ତୁ ଅଙ୍କାବଙ୍କା ନଦୀ
ତତେ ପାଇ ହେଲୁ ଧନ୍ୟ
ସର୍ବ ପ୍ରାଣୀଙ୍କର ସେବା କରୁଅଛୁ
ତେଣୁ ତୁ ସଭିଙ୍କ ମାନ୍ୟ l
କେତେ ବାଧାବିଘ୍ନ ଆସେ ତୋ ଜୀବନେ
ତଥାପି ଡରୁ ନାଁ ତୁହି
ଆଗେଇ ଚାଲୁ ତୋ ଗନ୍ତବ୍ୟ ପଥରେ
ବାଟରେ ଯାଉନା ରହି l
ଥକି ପଡିଲେ କି ଅଟକି ରହିଲେ
ପାଇବାନି ସଫଳତା
ଶିଖେଇ ଦେଉ ତୁ ସର୍ବଜନ ମନେ
ଏ ମହତପୂର୍ଣ୍ଣ କଥା l