ଶିଶୁ ଓ କରୋନା
ଶିଶୁ ଓ କରୋନା
ଜାଣୁନା ଆମେ ଶିଶୁ
ଈଶ୍ୱର ଆଲ୍ଲା ଦେବତା ଦିଅଁ
ଈସାହୀ ପ୍ରଭୁ ଯୀଶୁ
ଜାଣିଛୁ ଆମେ କିଣିବୁ ମନ
ମୁରୁକି ହସୁହସୁ
ଶିଶୁ ଆମେରେ ଶିଶୁ ।
କଅଁଳ ଆମ ଦେହକୁ ଏବେ
କରୋନା କରେ କୋପ
ବାଟ ଚାହିଁଛି ଗ୍ରାସିବା ପାଇଁ
ତାହାରି ନୂଆ ରୂପ
ଆମେ ଚାହିଁଲେ ସତର୍କ ହେଲେ
ତଡିବୁ ତାକୁ ଦେଶୁ
ଶିଶୁ ଆମେରେ ଶିଶୁ ।
ବାରବାରତ ଧୋଇବା ହାତ
ମାକ୍ସ ପିନ୍ଧିବା ନିତି
ଖେଳିବା ପାଇଁ ଖେଳ ପଡିଆ
ମନା ତ ଏବେ ସାଥୀ
ହାତ ପାଦକୁ କୁ କରିବା ସଫା
ବାହାରୁ ଆସୁଆସୁ
ଶିଶୁ ଆମେରେ ଶିଶୁ ।
କରୋନା ଡରେ ସ୍କୁଲ ଦୁଆର
ଆମକୁ ହେଲା ମନା
ଅନ୍ ଲାଇନରେ ପଢୁଛୁ ପାଠ
ଲାଗୁନି ମନ ସିନା
ମନକୁ ଆମେ ବୁଝେଇ ଦେଇ
ପାଠ ବହିକୁ ଘୋଷୁ
ଶିଶୁ ଆମେରେ ଶିଶୁ ।