ସ୍ମୃତିର ଅଭିଧାନ

ଅମାନିଆ ବିଗତ ଦିନର ସ୍ମୃତି ଗୁଡା

ବାରମ୍ବାର ଧକ୍କା ଦିଏ କେଉଁ ଅବୁଝା 

କଥାଟିଏ ପାଇଁ......

କିନ୍ତୁ ଅବୁଝା କଥାଟିର

ମାନେ ବୁଝି ହୁଏ ନା

କିଛି ମୂହୁର୍ତ୍ତ ପାଇଁ...... ‌।

ହୃଦୟର ପ୍ରତିଟି ସ୍ମୃତିର 

ଟୁକୁରା ଟୁକୁରା କଥାରେ 

ନୂତନତାର ସ୍ବର୍ଗ ଟିଏ ବସାବାନ୍ଧେ

ପୁଣି କେତେକାଳ ଝୁଲାଇ ଦେବାକୁ

ବିବଶ ହୃଦୟ ଟିକୁ

ଅଦୃଶ୍ୟ ଝୁଲଣରେ......।

ଅନେକ ଆଶାର କଢ ହୁଏ ପ୍ରସ୍ଫୁଟିତ

ସେହି ଅଦୃଶ୍ୟ ଝୁଲଣରେ ଝୁଲିଵା ମଧ୍ୟରେ

କେତେ ଅମାନିଆ ନୂତନତାର ଆଶାରେ

କେତେ ସପନର ବାଲୁକା ବେଳାରେ

ବସନ୍ତ ର ମୃଦୁମଳୟ ଅପେକ୍ଷାରେ....

ହୋଇଯାଏ ପ୍ରଶ୍ନବାଚୀ ଏ ବିବଶ ହୃଦୟଟା 

ଯଦି କେହି ଖୋଜେ ଥରେ 

ଏ ଅମାନିଆ ହୃଦୟକୁ 

ବିଗତ ସ୍ମୃତିର ଅଭିଧାନ ରେ

ଖୋଜି ହୁଏ ଦେଖିହୁଏ ସତ

କହିହୁଏ ହେଲେ ଫେରି ଆସେନି  

ହେଲେ ବୁଝି ହୁଏନା ସେ ଅର୍ଥ 

ଆସନ୍ତା କାଲିର 

ଅବୁଝା ମନର ବାକ୍ୟଟିଏ

ଲେଖିବା ପାଇଁ

ସେହି ଆସନ୍ତା ସ୍ମୃତିର

ପ୍ରଥମ ପୃଷ୍ଠାରେ......।।