ମାଆ
ମାଆ
ପଣତ ତୋହର କାଇଁ ଉଡିଗଲା
ଉଡିଗଲା ପୁରା ଛାଇ
ଖରାରେ ସିଜୁଛି ବର୍ଷାରେ ଭିଜୁଛି
ସାହାରା ପାଇବା ପାଇଁ ।
ଜହ୍ନମାମୁଁ ଦେଖେ ନିତି ରାତି ହେଲେ
ଗୀତଟି ଶୁଣିବା ପାଇଁ
ଲୋତକରୁ ସିନା ଲୁହ ଖାଲି ଝରେ
ଗୀତର ମୂର୍ଚ୍ଚନା ନାହିଁ।
ଖାଇବାକୁ ବସେ ନିତି କଂସା ପାସେ
ଭୋକତ ମରିବା ପାଇଁ
ପେଟ ସିନା ପୂରେ ଲାଳସା ନ ମରେ
ଉଦ୍ଦୀପନା ଜମା ନାହିଁ ।
ଶାନ୍ତନା ଦିଅନ୍ତି ସବୁ ଲୋକ ସତ
ମନକୁ ବୁଝିବା ପାଇଁ
ଅନ୍ତର ହୃଦୟ ନ ବୁଝି ପାରଈ
ତୃପ୍ତି ଜମା ମିଳେ ନାହିଁ।
ବ
ଫେରିଆସ ମାଆ ମୋର ପାଶେ ଆଜି
କରିବିନି ଜମା ଅଳି
ଆଦେଶକୁ ତୁମ ସବୁ ମାନିନେବି
ମଥାରେ ଚନ୍ଦନ ବୋଳି ।