నా ప్రేయసి
నా ప్రేయసి
నిశ్శబ్దపు సంగీతం..వినిపించును నా ప్రేయసి..!
నిర్వేదపు ఆ ద్వారం..దాటించును నా ప్రేయసి..!
ఎడారిలో పయనమైన..సుఖమేగా తన తోడున..
నిర్మోహపు ఆ గగనం..దాటించును నా ప్రేయసి..!
ఆలోచన లోతులలో..ఎంత మధువు ఉంటేనేం..
నిరంజనపు ఆ తత్త్వం..అందించును నా ప్రేయసి..!
యుగాలుగా పొంగుతున్న ఆవేదన కాల్చుటకే..
నిర్వికార ఆ నాట్యం.. చూపించును నా ప్రేయసి..!
నిఘంటువుల దారిలోన..తూటాలకు లోటులేదు..
నిర్విశేష పరమార్థం..బోధించును నా ప్రేయసి..!