నిన్ను కొల్తును తల్లీ
నిన్ను కొల్తును తల్లీ
విలువగు కాలంబు నందు
తెలియక నీసేవ మాని
కలతమెయిన్ గాలి పోతి
బలువగు కష్టంబు వచ్చె
నిలకడతప్పెన్ మనంబు
తలచితి నమ్మా దయార్ద్ర
జలధివి రావమ్మ!గౌరి!
ఫలితము నీయంగ వేగ!
పలికెద నీనామ మెప్డు
చులకనగా జూడకమ్మ!
కులమును గోత్రంబు నిల్పు
కలుముల రాణీ!జయంబు
కలుగగ నీమ్రోల వాలి
పిలిచితి నమ్మా!భవాని!
తెలుగున బద్యంబులల్లి
తెలిపితి నా ప్రేమ తల్లి!
కలిమిని గోరంగ నిన్ను
బిలిచితి నంచున్ దలంచి
పలుకవ? నాతోడ హైమ!
అలుకను నాపైన జూపి
యలుసుగ జూడన్ భరించు
బలమది లేదమ్మ!నాకు
తలపులలో నిల్పి నిన్ను
గొలిచెద నమ్మా!యపర్ణ!/