సాధుగుణము
సాధుగుణము
తేనె లొల్కెడి మధుర భాషణము
మంచితనము నిండిన మానసము
పరుల మేలును గోరు వర్తనము
ధర్మమార్గము నందు పయనము
సాధులక్షణ మనగా విజయా!
శాంతి ప్రబోధనమే ప్రతిక్షణము
క్రాంతి దర్శనము చూపు వీక్షణము
వినయ విధేయతతో మెల్గటము
విబుధ జనులతో సాంగత్యము
సాధులక్షణ మనగా విజయా!
ధీరగుణశీలులై నిరతము
సారమతులై చూపి సహనము
కరుణాకరులై చరించటము
కష్టనష్టముల నెదుర్కొనటము
సాధులక్షణమనగా విజయా!
దేశభవితకై పాటుపడటము
భావితరమును తీర్చి దిద్దటము
స్ఫూర్తిప్రదాతలై నిల్చి యుండటము
కీర్తివంతులై వెల్గుచుండటము
సాధులక్షణ మనగా విజయా!
వారి దీవెనలు పొందియుండటము
వారి శిష్యులుగా జీవించటము
వారిమార్గాన ప్రయాణించటము
వారి బోధనలు ప్రవచించటము
మనము నేర్చుకోవాలి విజయా!//
------