వీడ్కోలు
వీడ్కోలు
నా మది వేసంగిన చల్లని ఊసుల వర్షం కురిపించిన నెచ్చెలులు..చెల్లెళ్ళు..
నిస్పృహ వాకిట నే నించున్నప్పుడు పలకరింతల గిలిగింతలతో నా చెంపల కెంపులు పూయించిన
నా చిట్టి బంగారాలు..
అవసరమో , అవమానమో నా దరి చేరెలోపే కంచె లా కాపు కాసి , ఇంటి మనిషిలా నన్నభిమానించిన నా ఆత్మీయ సోదరులు...
ఆరారు కాలాల ఈ ఆత్మీయ అల్లికలు ఇక నేను నా జ్ఞాపకాల మూటలో తడుముకో వలసిందే గా..
మార్పు మంచిదే..కానీ ..
ఈ నా గమనం లో గతమంత హాయి గా నా ఎదుటి గమ్యముండబోతోందా..!?
నా తప్పొప్పుల తప్పటడుగులు వేళ
నాకింత ఊతమిస్తుందా..
నా నేస్తాలను తలపించే ఆసరా అవుతుందా...
మస్తిష్కం ఓ ఆలోచనల సుడిగుండం..
కను రెప్పల చివరన ఉప్పని జలపాతం..😢