દિવાળી ઉજવીએ
દિવાળી ઉજવીએ
અહમની, આતશબાજી કરીએ,
ને અણસમજણની હોળી,
પ્રેમનો એક, દિવો પ્રગટાવીએ,
ને પુરીએ એક રંગોળી !
ચાલ, એવી એક દિવાળી ઉજવીએ.
જલન ઈર્ષા ના ફટાકડાં ફોડીએ,
ને કરીએ સ્વાર્થની ફુલઝડી,
પ્રેમનાં મીઠાં પકવાન આરોગીએ,
ને કરીએ નમન દઈ હાથ જોડી !
ચાલ, એવી એક દિવાળી ઉજવીએ.
ભોંયચકરી દુ:ખની ઘુમાવીએ,
ને નિરાશાનું રોકેટ ઉડાવીએ,
અંધારી આ અમાવસની રાતને,
આશાના દીપકથી પ્રગટાવીએ !
ચાલ, એવી એક દિવાળી ઉજવીએ.
અંધશ્રદ્ધાના, તારામંડળ સળગાવીએ,
ને નફરતને દિવાસળી ચાંપીએ,
“ચાહત”નાં શુભ ચોઘડિયાં પુંજીએ,
ને પ્રેમથી ગળે મળીએ !
ચાલ, એવી એક દિવાળી ઉજવીએ.