ಕೈ ಜಾರುತಿದೆ ಸಮಯ

ಸದ್ದಿಲ್ಲದೇ ಕೈ ಜಾರುತಿದೆ ಸಮಯ 

ಹಿಡಿದಿಟ್ಟುಕೊಳ್ಳಲಾಗದ ವಿಷಯ 

ಸಿಕ್ಕ ಕ್ಷಣಗಳನ್ನು ವ್ಯಯಿಸದಿರಿ 

ಸುಮಧುರ ಭಾಂದವ್ಯವನ್ನು ಸವಿಯಿರಿ 

ಸಾಗುತಿದೆ ಸಮಯ ಮುಂದೆ ಮುಂದೆ

ಕಳೆದ ಸಮಯ ಬಾರದು ಹಿಂದೆ ಹಿಂದೆ 

ನೆನಪೊಂದೆ ಉಳಿಯುವುದು ಕೊನೆಯ ತನಕ

ಸಮಯದ ಸದುಪಯೋಗವೇ ಜೀವನದ ನಿರ್ಧಾರಕ 

ಸಮಯಕ್ಕೆ ತಕ್ಕಂತೆ ಬದಲಾಗುವರನ್ನು ಮರೆತುಬಿಡಿ 

ಬದಲಾದ ಸಮಯದಲ್ಲಿ ಜೊತೆಗಿರುವವರನ್ನು ನೆನಪಿನಲ್ಲಿಡಿ 

ದಿನವಿಡಿ ತುಂಬಿರುವುದು ಮನೆಗೆಲಸ ಉದ್ಯೋಗದ ಗಡಿಬಿಡಿ 

ನಿಮ್ಮ ಪ್ರೀತಿಪಾತ್ರರಿಗೂ ಸ್ವಲ್ಪ ಸಮಯ ಮೀಸಲಿಡಿ 

ಕಳೆದ ಸಮಯ ಆಡಿದ ಮಾತು ಮತ್ತೆ ಬಾರದು 

ವಿವೇಕ ವಿವೇಚನೆಯ ವರ್ತನೆ ಸುಖವ ತರುವುದು 

ಹರಿಯುತಿದೆ ಕಾಲಪ್ರವಾಹ ಇಂದಿಗೂ ಅನವರತ 

ಇರಲಿ ಮಾನವ ಪ್ರಯತ್ನ ಏಳಿಗೆಯೆಡೆಗೆ ಅವಿರತ