സ്മൃതികളുണരുമ്പോൾ

മേഘങ്ങളെ പുണരാൻ വെമ്പൽ 

കൊള്ളുന്ന കാറ്റിലും

അവനിൽ ലയിക്കാൻ കൊതിക്കുന്ന മഴത്തുള്ളികളിലും 

ആർത്തലച്ച് തീരത്തെ പുണരുന്ന തിരമാലകളിലും

ഭൂമിതൻ മാറിൽ പടർന്നിറങ്ങുന്നു

വെൺചന്ദ്രികയിലും

സാഗരത്തിൽ നിന്ന് ഉയിർകൊള്ളും

നീരാവിയിലും 

പുതുമഴ തൻ കുളിർമ്മയിൽ മുളപൊട്ടും പുതുനാമ്പിലും

ഉദയാർക്കകിരണങ്ങൾ ചെഞ്ചായംപൂശും

കിഴക്കിനിചെരുവിലും

അസ്തമയചുവപ്പണിയുംപശ്ചിമാംബരത്തിലും 

എന്നോമറന്നൊരെന്നെ തിരഞ്ഞു ഞാൻ

മൗനമായ്

പടിയിറങ്ങിപ്പോയൊരെൻ ഓർമ്മകളിൽ മാത്രമായ് 

ജീവിച്ചിരുന്നതെന്നു ഓർമ്മപ്പെടുത്തി പിന്നെയും മറയുന്നൂ.. ഓർമ്മകൾ