मोरपीस तुझ्यातल्या माझं...
मोरपीस तुझ्यातल्या माझं...
काहीतरी जमत कुठूनतरी येत ,
क्षणात अलगद आपलंस करतं .
वाराही टोचतो बोचरा होतो ,
मोरपीस हळूच फुलवून जातो .
हवीहवीशी नाती गुंफून जातात ,
प्रेमाच्या धागयात अलगद अडकतात .
वळणा वळणाने आठवणींची
सर बरसू लागते ,
उमजलेल्या क्षणांना
आठवू लागते .
ती ओळखीची नजर दिसू लागते ,
का होतात भास हे जाणवू लागते .
कळत नसतं उमजत नसतं ,
का होतं असं
सांगणार ना कुणी भेटतं .
उडवतो जसा वारा ,
त्या वाळूच्या कणांना ,
तसे उडू लागते मन ,
त्या हृदयीच्या गाभाऱ्यात .
कळीचे उमलणे आपलेच कसे ,
मनही इतके त्यापुढे
मोकाट भासे .
ना थारा त्या मनाचा ,
ना भरवसा त्या क्षणांचा ,
तरीही तुटतो जीव
त्याला आपलेसे करताना .