पत्र
पत्र
पत्र माझे हरवले
कोण सांगेल पत्ता का?
भाव लिहिले मनातले
कोण वाचेल का?
बदलत्या काळाच्या ओघात
सर्व काही बदललं कसं
शोधूनी पण सापडेना
हरवलेल पत्र जसं
पत्रातून उमटलेल्या भावना
कोणी समजून घेईल का?
अश्रु गोठले तिथेच
निःशब्दाचे कारण सांगतील का?
पत्रांची जागा घेतली
आधुनिक तंत्रज्ञानाने
तंत्रज्ञान झाले विकसित
समजले नाही भाव शब्दांचे
शब्द मिटत गेले
आठवण तशीच राहिली
जुने झाले पत्र
वाट कुणी न पाहिली