ବୁଭୁକ୍ଷୁର ଅନ୍ତଃସ୍ଵର
ବୁଭୁକ୍ଷୁର ଅନ୍ତଃସ୍ଵର
ବଂଚିବାର ଅଧିକାର ତ ପ୍ରକୃତିଦତ୍ତ,
ବଂଚିବାର ଅଧିକାର ମାନବିକତାଗତ ।
ବଂଚିବାର ଅଧିକାର ସମ୍ବିଧାନଦତ୍ତ
ଲଢ଼ିବାକୁ ହେବ ବଂଚିବାର ପାଇଁତ ।
ଲଢେଇ ଲଢେଇ ବଂଚିବାର ପାଇଁ,
ମଣିଷ ଜୀବନକୁ ହତ୍ୟା କର ନାହିଁ ।
ବାର ମାସେ ତେର ପର୍ବ ବଂଚିବାର ପାଇଁ,
ଅନନ୍ୟ ସଂସ୍କୃତି ପର୍ବ ପରମ୍ପରା ସେଥିପାଇଁ ।
ନବାନ୍ନ ଫସଲ ଅମଳ ଆମେ କରୁ ଥାଇ,
ପେଟ ପାଇଁ ଏକତ୍ରିତ ପାଳୁଛେ ଆମେ ଭାଇ ।
ସବୁରି ମୂଳରେ ଥାଏ ତ କର୍ମ କର୍ତ୍ତଵ୍ୟ,
ଏକତାର ମନ୍ତ୍ରଧ୍ୱନି ବିନା ସବୁ ଅସମ୍ଭବ ।
ଯଦି ଶୁଭିବ ହା ଅନ୍ନ ହା ଅନ୍ନ ଚିତ୍କାର,
ନଶୁଭିବ ମଣଷର ବୁଭୁକ୍ଷୁର ଅନ୍ତଃସ୍ଵର ।
ମୁଠାଏ ତଣ୍ଡୁଳ ପାଇଁ ସକ୍ଷମ ନାହିଁ ମଣିଷର,
ପେଜ ପାଣି ଭରିବାକୁ ନଥାଏ ସମ୍ବଳ ତାର ।
ସ୍ୱାଧୀନତା ପାଇଲେଣି, 75 ବରଷ ଗଲାଣି,
ଗରିବୀ ଦୂରହେବ, ବିତୁଛି ପ୍ରତିଶ୍ରୁତି ଶୁଣି ଶୁଣି ।
ଯେ ପର୍ଯ୍ୟନ୍ତ ଧନୀ ଗରିବ ଭେଦଭାବ ଥିବ
ବୁଭୁକ୍ଷୁର ଅନ୍ତଃସ୍ଵର କଥା ମଣିଷ ନଶୁଣିବ ।
ପେଟ ଭୋକେ କେତେ ଦିନ ଜଳାଇ ଜଳାଇ ମାରିବ
ଚତୁର୍ଦ୍ଦିଗେ ଭୋକ ତିମିରିତ ରାତ୍ରିର ଫୁତ୍କାର ଶୁଭିବ ।
ସମାଜରେେ ବଂଚିବାଟା ହୋଇଲେ ତୀବ୍ର କଷ୍ଟକର,
ନହୋଇ ସଖୀ କଣ୍ଢେଇ, ଅଧିକାର ପାଇଁ
ପଥ ଖୋଜିନେବେ ଲଢେଇର ।
କହୁଥାଅ ବଡ ବଡ କଥା ସଂସ୍କୃତି ନାମ ଧରି
ଭୋକର ସେ ଦାଉରେ ବିପ୍ଳବରୁ ପାଇବକି
ସମାଜକୁ ରକ୍ଷା କରି ।