ଦିଗନ୍ତର ଯାତ୍ରା ପଥେ

ଦୂର ପର୍ବତ ଦିଗନ୍ତ ବିସ୍ତାରିତ

ଅପରୂପ ଶୋଭାରେ ସେ ବିମଣ୍ଡିତ !

ନୀଳ ଆକାଶ ନୀଳିମା କୋଳେ

ଦିଗନ୍ତ ବିସ୍ତାରି ତାରକା ଖେଳେ !

ସୂରୁଜ ଚାନ୍ଦର ଆଲୋକ ଧାରା

ଦିଗନ୍ତ ପ୍ରସାରି ଦିଶଇ ତୋରା !

କଳା ବଉଦ ଟି ଦୂର ଆକାଶେ

ଭାସି ଭାସି ମିଶେ ବିଜୁଳି ସାଥେ !

ପୃଥିବୀ କୋଳରେ କୁସୁମ ଫୁଟି

ଚାରିଆଡେ ଯାଏ ବାସ ଚହଟି !

ଦୂର ବନ୍ଧୁ ଥାଏ ଦିଗନ୍ତ ଦୂରେ

ତା ପାଇଁ ସଦା ମନଟା ଝୁରେ !

କୁନା କୁନି ମନ ଆଈ ପାଖରେ

ହସ ଫୁଟି ଉଠେ ଓଠରୁ ଧାରେ !

ରତନ ମଣ୍ଡପେ ଜଗତ ନାଥ

ମହାବାହୁ ନାମ ବୋଲେ ଜଗତ !

ଦିଗନ୍ତ ପ୍ରସାରି ଦୁଇ ବାହୁ ମେଲି

ଆଶିଷର ଧାରା ଦିଅହେ ଖୋଲି !

ତୁମ ଆଶିଷରେ ସାରା ଜଗତ

ମହାମାରୀ ଠାରୁ ହେଉ ମୁକତ !