ମୋ ପ୍ରିୟା

ଆଖିରେ ତମର ଫଗୁଣର ରଙ୍ଗ

ଓଠରେ ଶୀତଳ ଛୁଆ

ନୀଳ ନୟନାର ହାରିଣୀ ଆଖିରେ

ଭିନ୍ନ ଏକ ପରିଭାଷା ।

ଯେବେଠୁ ଦେଖିଛି ପ୍ରିୟା ମୁଁ ତୁମକୁ

ନିତି ମୁଁ ଝୁରଇ ଭାବି

ମନ ସିନ୍ଦୁକରେ ସାଇତି ରଖିବି

ପ୍ରୀତିର ପରଶ ଦେଇ ।

ଦେଖିବାକୁ ଇଚ୍ଛା ତୁମରି ସପନ

ଦିନ ହେଉ ଅବା ରାତି

ଆସ ଚାଲିଯିବା ଅଜଣା ରାଇଜେ

ଆମେ ଦୁହେଁ ହୋଇ ସାଥି ।

ପାଦର ପାଉଁଜି ପାଉଁଜିର ଶବ୍ଦ

ହୃଦେ ଜଗାଏ କମ୍ପନ

ଅତୁଳନୀୟ ସେ ଶୋଭାରେ ତୁମର

ତୃପ୍ତି ହୁଏ ଦେଖି ମନ।

ଜୀବନେ ଆସିଲ ପ୍ରିୟା ତୁମେ ମୋର

ମନକୁ କରିଲ ଚୋରି

ହାତ ପାପୁଲିରେ ଶିରହିତ କଲ

ଅମୃତ ପଡ଼ିଲା ଝରି ।

ପ୍ରିୟାର ପରଶେ ମଳୟ ବୋହିଲା

ହୋଇଗଲା ପ୍ରେମ ଜର

କେତେଯେ କଳ୍ପନା ଭାରିଦେଲ ତୁମେ 

ଏ ଦୁଇ ଆଖିରେ ମୋର ।

ହୃଦ ସମୁଦ୍ରର ପ୍ରୀତି ଲହଡ଼ିରେ

ଭାସି ଯାଏ ଆଜି ମୁଁହି

ସୀମାହୀନ ସେହି ଭଲପାଇବର

ଅଜଣା ବାଟୋଇ ମୁଁହି ।

ମୋ ପ୍ରିୟାର ପଣତେ ସୁବାଷର ବାସ

ଘନ ଘନ ମହକାଏ

ହାତେ ଲମ୍ବାର ସେ ଓଢଣୀଟୀ ଦେଇ

ମୁରୁକି ମୁରୁକି ହସେ ।

ତୁମକୁ ମୁଁ ପାଇ ସବୁ ପାଇଗଲି

ଆଉ କିଛି ଲୋଡା ନାହିଁ

ସବୁ ଦିନ ପାଇଁ ତୁମେ ମୋର ପାଇଁ

ରହିଥିବା ସାଥି ହୋଇ ।