ରଙ୍ଗ ର ପରବ
ରଙ୍ଗ ର ପରବ
ଧରା ବକ୍ଷେ ବସନ୍ତ ରାଜୁତି
ମଳୟ ବହେ ସଧିରେ
ଆମ୍ବ ମହୁଲର ଭିଜା ବାସ୍ନା
କୋକିଳ ମଧୁର ସୁରେ l
ଫଗୁଣ ଆଣିଛି ରଙ୍ଗ ଅବିର
ଦୋଳ ପରବ ତିଥିରେ
ରାଇ ଦାମୋଦର ବିମାନେ ସୁନ୍ଦର
ଭ୍ରମନ୍ତି ଗାଁ ଦାଣ୍ଡରେ l
ଆନନ୍ଦ ନାଚଇ ଭକତ ଅନ୍ତର
ଘଣ୍ଟ ବାଦ୍ୟ ନାଦରେ
ଗଗନ ମଣ୍ଡଳେ ସକଳ ଦେବତା
ପୁଷ୍ପ ବରଷାନ୍ତି କରେ l
ଦୋଳପୂର୍ଣ୍ଣିମା ରେ ହୋଲି ରଙ୍ଗରେ
ଭିଜନ୍ତି ସଭିଏଁ ପ୍ରେମରେ
ଜୀବନ, ସାତ ରଙ୍ଗେ ରଂଗାୟିତ
ସ୍ନେହ ଶ୍ରଦ୍ଧା ଅବିରେ l
ଧରଣୀ ରାଣୀ ସତେ ରଙ୍ଗୀନ
ଶାଢ଼ୀ ପରିଧାନ କରେ
ଆନନ୍ଦ ଉଲ୍ଲାସେ ଶାନ୍ତି ମୈତ୍ରୀର
ବାରତା ପ୍ରଚାର କରେ l।