କାହିଁକି...?
କାହିଁକି...?
ପଥ ଧାରେ ଏକ ଅବହେଳିତ
ଶୈଶବ କୁ ଦେଖି
ଚଳ ଚଞ୍ଚଳ ସମୟର
ଗତି ଥମି ଗଲା ପରି
ଅନୁଭବ ହେଲା
ନାହିଁ ବେଶ ନାହିଁ ବାସ
ତୃଷ୍ଣା କ୍ଷୁଧା ରେ ପୀଡିତ
ଅବସ ଦେହ ଟା
ଟିକିଏ ବିଶ୍ରାମ ଲୋଡ଼ିଥିଲା
ଭଙ୍ଗା କାନ୍ଥ ଧାରେ
କାହା ପାଇଁ ତୁଳିତଳ୍ପ ଶଯ୍ୟା
ପୁଣି କିଏ ଧରିତ୍ରୀ ବକ୍ଷରେ
ଲୋଟି ଖୋଜି ଥାଏ ନିଦ
ଗୋଟିଏ ଓଳି ପାଏନାହିଁ
ଆହାର ପୁଣି କିଏ
ଉପଭୋଗ କରେ
ଅର୍ଣ୍ଣ ର ଭଣ୍ଡାର
ନାହିଁ ପିତା ମାତାର ପରିଚୟ
ଦୁନିଆ ଦୃଷ୍ଟିରେ ଯିଏ
'ଅନାଥ ' ବୋଲି ପରିଚିତ
କାହିଁକି ନାଥ....?
ତୁମ ସୃଷ୍ଟି ରେ ଏତେ ତାରତମ୍ୟ
ମନ କରୁଛି ବାର ବାର ପ୍ରଶ୍ନ
ଏହା ତା ଭାଗ୍ୟ ନା ବିଧିର ବିଧାନ
ସର୍ବ ନିୟନ୍ତା ତ ନାଥ ତୁମେ
ତେବେ କାହିଁକି.....?