ସମୟ ସୁଅରେ ସମ୍ପର୍କ
ସମୟ ସୁଅରେ ସମ୍ପର୍କ
ଆଜିବି ମନେ ଅଛି ତୁମ ସହ
ବିତିଥିବା ପ୍ରତ୍ୟେକଟି ମୁହୂର୍ତ୍ତ
ହଜିଥିବା ସ୍ମୃତି ପାସୋରି ଯାଇଥିବା
ସବୁତକ ସାଉଁଟା ପ୍ରେମ
ମୁଁ ହୃଦୟର କୋଣରେ ରଖିଛି
ଅତି ଯତ୍ନରେ ସାଇତି ।
ମୁଁ ନିଜକୁ ଭୁଲି ପାରେ...
କିନ୍ତୁ ତୁମକୁ ଆସନ୍ତା ସାତ ଜନମ
ପର୍ଯ୍ୟନ୍ତ ତୋ ନୁହେଁ ।
ଆଜି ବି ଆମ ପ୍ରେମ ଜୀବନ୍ତ ଲାଗେ
ଯେ କେହି ଆମ ଭଲପାଇବାକୁ ନେଇ
ଟାହିଟାପରା କରନ୍ତି
ମୋ ସିଂଥି ସିନ୍ଦୁର ତାଙ୍କୁ ତାଙ୍କର
ଉତ୍ତର ଦେଇଦିଏ ।
କୁହନ୍ତି ସମୟ ସହ ସମ୍ପର୍କରେ
ଭଲପାଇବା କମିଯାଏ ।
ସମ୍ପର୍କରେ ମଧୁରତା ରୁହେନି ଆଗ ପରି ।
ଏସବୁ ମିଛ
କହିବାକୁ ଗଲେ ସତ
ସମୟ ବଦଳିଯାଏ ସମ୍ପର୍କ ନୁହଁ ।
ଆମ ସମ୍ପର୍କର ମେରୁଦଣ୍ଡ
ଆଗ ଅପେକ୍ଷା
ଅଧିକ ଦୃଢ଼ ମଝଭୁତ୍ ହୋଇଛି ।
କିନ୍ତୁ ମୁଁ କେବେ ଅନୁଭବ କରିନି
ତୁମେ ପୁଣି କେବେ ବଦଳିବ !!!
ଏତିକି ବର୍ଷ ତୁମ ସହ ସମ୍ପର୍କ ରେ
ଅନେକ ଝଡ଼ ତୁଫାନ୍ ଆସିଛି
କିଛି ବି ଉଡେଇ ନେଇନି ।
ପ୍ରଥମ ଦେଖାର ସ୍ମୃତି ଆଜି ମଧ୍ୟ
ମୋ ଚକ୍ଷୁ ପଟଲରେ ରହିଛି।
ପାଣି ପିଇ ମଧ୍ୟ
ତଣ୍ଟି ଶୁଖିଲା ଲାଗୁଥିଲା ।
ତୁମ ସହ କଥା ହେଲା ପରେ
ଜାଣିଲି ତୁମେ କେତେ ସରଳ ଲୋକଟେ।
ତୁମ ସ୍ପର୍ଶ ରେ ଏକ ଅଜବ ଯାଦୁ ଥିଲା
ମୋତେ ନିଜଠୁ ଦୂରେଇ
ତୁମପାଖକୁ ଟାଣିଆଣୁଥିଲା ।
ଏଇ ବୋଧେ ଥିଲା ଆମ ପ୍ରେମ
ଆମ ସମ୍ପର୍କ ସୁଅରେ ବଦଳିଛି
ଯଦି ତାହା କେବଳ ସମୟ
ଆମେ ନୁହେଁ ।।