ସତେ କି ତୋ ଇଚ୍ଛା ହେବ
ସତେ କି ତୋ ଇଚ୍ଛା ହେବ
ଶ୍ରୀ କ୍ଷେତ୍ର ଯିବା କୁ ଭାରି ଇଚ୍ଛା ମୋର
କେତେକାଳୁ ଇଚ୍ଛା ଜାଗିଛି
ଭାବିଛି ମୁଁ କାଲି ଯିବି ଯିବି ବୋଲି
ଇଚ୍ଛା ଟା ମୋହର ଇଚ୍ଛାରେ ରହିଲା
ଯିବା ଟା ସପନ ସାଜିଛି ।
ଦରଶନ ପାଇଁ ଚତୁର୍ଦ୍ଧା ମୂର୍ତ୍ତୀ ଙ୍କୁ
ମନେ କେତେ ଆଶା ବାନ୍ଧିଛି
ପତିତପାବନ ଉଡ଼ି ଫରଫର
ହାତ ଠାରି ମୋତେ ଡାକୁଛି
ଶୁଣିଛି ଶ୍ରୁତି ରେ ତୋ ଡୋରି ନ ହେଲେ
ତୋର ଦରଶନ ନୋହିଛି ।
କେଉଁଦିନ ଦିନ ତୋର କରୁଣା ହୋଇବ
ସେ ଦିନ କୁ ଚାହିଁ ରହିଛି
ଭାବଗ୍ରାହୀ ତୁହି ମୋ ଭାବ କୁ ବୁଝି
ଦରଶନ ଦେବୁ ଭାବୁଛି
ଜନମ ଜନମ ପାପ ଧୋଇ ଯିବ
ଏହି ଆଶା ମୁଁ ଯେ କରିଛି ।