ଶେଷ ଠିକଣା
ଶେଷ ଠିକଣା
ମୋ ମନ ସିନ୍ଦୁକେ କୋଲପ ପକାଇ
ବନ୍ଦୀ କରିଦେଲ ମୋତେ
ଚାବିଟି କେଉଁଠି ଦେଇଛି ହଜାଇ
ଖୋଜିଲେ ମିଳୁନି ସତେ(୧)
ମୁଦିଟିଏ ମୋତେ
ପିନ୍ଧାଇ ଦେଲ ଗୋ
ମୁ ତୁମକୁ ପିନ୍ଧାଇଲି
ମୁଦି ପିନ୍ଧା ଦିନୁ
ଆରମ୍ଭ ହେଲା ଗୋ
ଆମ୍ଭର ପ୍ରଥମ ପ୍ରିତୀ (୨)
ପ୍ରୀତିରୁ ପ୍ରଣୟ
ପ୍ରଣୟୁ ମିଳନ
ମିଳନୁ ସୃଷ୍ଟି ସଂସାର
ପୁତ୍ରକୁ ପାଇଲି ଜଗତ ଭୁଲିଲି
ଭୁଲିଲି ଆପଣା ମନ (୩)
ମା ଟିଏ ହେଲି କେତେ
ଗର୍ବ କଲି
ପୁଅଟେ ପାଇଲି ବୋଲି
ନିଜ ରକ୍ତ,ମାଂସ ଆୟୁଷ ତ ଦେଇ
ତା ଯତ୍ନରେ ଲାଗି ଗଲି (୪)
ଆଜି ସେଇ ପୁତ୍ର ବଡ ହୋଇଗଲା
କରି ଦେଲା ମୋତେ ପର
ନିଜ ହାତଗଢା ଘରୁ ତଡିଦେଲା
ଜରାଶ୍ରମ ହେଲା ଘର (୫)