మనక్రీడలు

*మన క్రీడలు*

(తేటగీతి పద్యములు )

1.

క్రీడయనగా క్రికెట్టంచు నాడుచుండ

నడుసులోనుండు మన జాతి యాటలెపుడు

క్రీడ హాకీని మెచ్చునా కీర్తి కాంత?

పరుల క్రీడకు ప్రోత్సాహ బహుమతులిడ!/

2.

దేశసత్క్రీడలకు నేడు దిక్కులేదు

కాగితంబులపై జూపి కాకిలెక్క

దులుపు కొందురు చేతులన్- దోషులెవరు?

పరుగు పందెంబులన్ మన ప్రతిభ యెచట?

3.

ప్రశ్నలన్నియు వేసినన్ బదులురాదు

వీరకిరికెట్టుకనికట్టువెఱ్ఱిపట్టి

ఘనతవహియించుమనయాట గాంచరకట!

పాలకుల బుద్ధి మార్చెడి పథకమెద్ది?/

4.

ఉద్యమంబులు నడుపుచు నుధ్ధతిమెయి

పెంచి పోషింప క్రీడలన్ విరివిగాను

జనుల యభిమాన వరముచే జయము కల్గ

పతకములను దెత్తురు భావి పౌరులెపుడు./

5.

భారతస్థానమెద్దిప్రపంచమందు?

పరువు నిల్పెడి క్రీడలన్ బ్రతుక నిచ్చి 

ప్రోత్సహించిన క్రీడల పోరునందు

విజయులౌదురు మనవారు విశ్వమందు.//