എൻ ദേവി
എൻ ദേവി
ശിലയിൽ പതിഞ്ഞൊരാ
പാദമുദ്രയിൽ
കെട്ടിപുണർന്നോരായിരം
ചുംബനം നൽകി ഞാൻ .
ഒരിക്കലും നീ എന്റേതാകില്ലെന്നറിഞ്ഞിട്ടും
എന്റെ മനസ്സിൽ
പ്രതിഷ്ഠിച്ചു പോയൊരു
ദേവശിൽപ്പം നീ മാത്രം ..
മനസ്സിൽ കുടിയിരുത്തിയപ്പോൾ
ഒന്നുമാത്രം ഞാനറിയാതെ
പോയി , ജനനത്താൽ നീ
ദേവി തന്നെ , ഞാനോ കുലത്താൽ
തൊട്ടുകൂടാത്തവൻ ..
പ്രണയിക്കാൻ മനുഷ്യനായി
പിറന്നാൽ മാതിയാവില്ല,
മനുഷ്യത്വം അറിയാത്തൊരു
ലോകത്തിൽ പിറന്നതെൻ തെറ്റ് .
ഇനിയുമൊരു ജന്മം വേണമെനിക്ക് ,
പുതിയൊരു ലോകത്തിൽ ,
തീണ്ടലില്ലാത്ത കാലത്തിൽ ,
നിന്റെ കൈ പിടിക്കാൻ ..
ഇപ്പോൾ വിട , ഈ ഊഴിയിൽ
നിന്നും , നിൻ പാദമുദ്രയിൽ
നൽകിയ ചുംബനം
എന്റെ മൃത്യുവിനായി
കാത്തിരിപ്പു ..
വിട വിട വിട ...