ଅସମର୍ଥ
ଅସମର୍ଥ
1 min
10
ଯେତେ ଉଚ୍ଚ ହେଉ ସାଗର ଲହରୀ
ଅନ୍ତର ଭାବନା ପାରେ କି ଧୋଇ !
ଯେତେ ଟାଣ ହେଉ ଶତ୍ରୁର କମାଣ
ଦେଶପ୍ରେମକୁ କି ମାରି ପାରଇ !
ଯେତେ ଶକ୍ତିଶାଳୀ ହେଲେ ବି ଅଧର୍ମ
ଧର୍ମକୁ କି କେବେ ପାରେ ହରାଇ !
ଯେତେ ଦୃଢ଼ ହେଉ ମିଥ୍ୟା ଆବରଣ
ସତ୍ୟକୁ କି ରଖି ପାରେ ଲୁଚାଇ !
ଯେତେ ବି ପ୍ରଭାବି ହୋଇଲେ ଔଷଧ
ଭରି କି ପାରିବ ମନର କ୍ଷତ !
ଯେତେ ଶକ୍ତିଶାଳୀ ହେଲେ ବି ମାନବ
ରୋକି କି ପାରିବ ଦୈବ ଆଘାତ !
ଯେତେ ବି ପ୍ରଖର ହେଲେ ନଦୀ ଧାର
କଳଙ୍କ- କାଳିମା ପାରେ କି ଧୋଇ !
ସବୁ ଭାର ବହି ପାରେ ଯେ ଧରଣୀ
ପାପଭାରକୁ କି ପାରେ ସେ ବହି !
ଯେତେ ବିତ୍ତଶାଳୀ ହୋଇଥାଉ ପୁତ୍ର
ମାତୃଋଣ କିବା ପାରଇ ଶୁଝି !
ଯେତେ ଜ୍ଞାନୀ ଗୁଣୀ ହୋଇଥାଉ ନର
ପ୍ରଭୁଙ୍କ ମାୟାକୁ ପାରେ କି ବୁଝି।