ମହାନୁଭବ ମୋହନ ହେ

ଆମରି ଗରବ ଆମରି ଗୌରବ

  ତୁମେତ ଅଟ ମୋହନ

ତୁମ ଲାଗି ପରା ଆମ ଏ ଜାତି ଟା

 ହୋଇଛି ବିଶ୍ୱେ ମହାନ।

ଅହିଂସା ଅସ୍ତ୍ର କୁ କରିଲ ନିଜର

  ହିଂସା ଠାରୁ ରହି ଦୂରେ

ଗୋରା ସରକାରେ ଭୟଭୀତ କଲ

 ଏହି ଅହିଂସା ଅସ୍ତ୍ର ରେ।

ମୋ ଭାରତ ମାତା ହୋଇଛି ଗର୍ବିତ

 ତୁମ ପରି ସୁତ ପାଇ

ମୋହନ ବଇଁଶୀ ବଜାଇ ମୋହିଲ

 ତୁମେ ସସାଗରା ଭୂଇଁ ।

ତୁମ ଆଦରଶ ଜୀବେ ଦୟାଭାବ

  ଶାନ୍ତି ର କେତନ ଧରି

ସବୁରି ହୃଦୟେ ଜିଣି ଲ ତୁମେ ତ

 କେ ହୋଇବ ତୁମ ପରି ?

ହେ ମହାନୁଭବ ମୋହନ ତୁମକୁ

  ଜଣାଏ କୋଟି ପ୍ରଣତି

ପ୍ରତି ଭାରତୀୟ ହୃଦେ ବିଜେ କରି

  ଭରି ଦିଅ ତୁମ ଶକ୍ତି।।