ମନେ ପକାଇବା ଇତିହାସକୁ

ବିତି ଯାଇଥିବା ଦିନର ଘଟଣା ପରା ଅତୀତ

ସେହି ସ୍ମୃତି ସବୁ ବର୍ତ୍ତମାନକୁ କରେ ମାର୍ଜିତ

ନାଚେ ମନ, ଆସିଲେ ମନରେ ସୁନ୍ଦର ମୁହୂର୍ତ୍ତ

ଭବିଷ୍ୟତକୁ ପ୍ରେରଣା, ଏ କଥା ଜଗତବିଦିତ

ମୂକ ସାକ୍ଷୀ ହୋଇ ଠିଆ ହୋଇଛି ଅତୀତ 

ବହି ଯାଇଛି ଓଡ଼ିଆ ପୁଅର କେତେ ରକତ

ବ୍ରିଟିଶ ହଟିଛି, ସ୍ବାଧୀନ ହୋଇଛି ମୋର ଦେଶ

ସମାଜ ଭିତରୁ ଶୋଷଣ ହୋଇନି ତ ଶେଷ

ନାରକୀୟ ଲୀଳା ଚାଲେ ଶହିଦଂକ ନାମରେ 

ନାହିଁ ମଣିଷ ପଣିଆ, ପଦ ପଦବୀର ନିଶାରେ

ଜାତୀୟତା ବୋଧ ନଷ୍ଟ, ଇର୍ଷା ଓ ଅହଙ୍କାରରେ

ପାଚେରୀ ହୋଇଛି ଛିଡ଼ା, ଭେଦଭାବ ସୃଷ୍ଟିରେ

     

ମନେ ପକାଇବା ଇତିହାସର ସେ ସବୁ କଥାକୁ 

ଭୁଲ ସୁଧାରି ସାମ୍ୟବାଦରେ ମହାନ୍ କରିବା ଦେଶକୁ