ମୋ ପରିଚୟ

କାହିଁ କେଜାଣି ଜୀବନ ପୁସ୍ତକେ

ଖୋଜୁଥିଲି ମୋ ପରିଚୟ,

ପୁସ୍ତକ ପୃଷ୍ଠା ର ସ୍ବର୍ଣ୍ଣ ଅକ୍ଷରେ,

ଲିପିବଦ୍ଧ ଥିବା ନାଁ ରେ ଅକ୍ଷର ଗୁଡିକ

ସ୍ପର୍ଶ କରୁ କରୁ ଧିମି ହେଇଯାଉଥିଲା,

ମୋ ହୃଦ ସ୍ପନ୍ଦନ

ହୃଦୟ ଆକାଶେ ଭାସୁଥିଲା

ଭାଷମାନ ବରଫ ଖଣ୍ଡ ସଦୃଶ,

ଏକ କାଚମାର୍କା ମୁହଁ,

ମୁହଁ ର ସ୍ପର୍ଶେ ଅନୁଭବ ହେଲା

ସେତ ଏକ ନୀରୀମାଖି ସୁକୁମାରୀ ମନ

ନୀରୀମାଖି ମନଟି  ପରିଚୟ ଖୋଜି ଚାଲିଲା

ଜୀବନ ର ଲୁପ୍ତ ଅବଶିଷ୍ଟେ,

ଯେଉଁଠି ଚହଲି ଯାଏ ତା

ପଦ୍ମ ପୋଖରୀ ର ମନ,

ସେଇଠି ଅଟକି ଯାଏ

ସେଇ ନୀରୀମାଖି ମନ

କେତେବେଳେ ମେଞ୍ଚାଏ ପଥର

ଗଦା ପାହାଡ଼କୁ ବାଧ୍ୟ କରୁଥାଏ

ଜୀବନ୍ତ ହେଵାକୁତ,

କେତେବେଳେ ଜହ୍ନ ତାରା ଗହଣେ

ଶୀତଳତା ର ସ୍ପର୍ଶେ ପରିଚୟ

ଖୋଜୁଥାଏ ଏକାନ୍ତେ

କେବେ କେବେ ଚାଲିଯାଏ

ଭସା ବାଦଲ ଆରପଟର,

ଏକ ସ୍ୱଚ୍ଛ ଆକାଶକୁ

ପଚାରିଚାଲେ ପରିଚୟ

ଆକାଶ ର ପୋଖରୀରେ ଉଇଁ ଆସୁଥିବା

କଇଁ ଫୁଲ ପରି ଚନ୍ଦ୍ରମା ମୁହଁ କୁ

ପୁଣି କେବେ ଖୋଜୁଥାଏ ପରିଚୟ

ନିଜ କଲମ ମୁନରେ ଲେଖିଚାଲେ,

କିଛି ଅବୁଝା ଶବ୍ଦ ରୁ ପୁଞ୍ଜେ

କେବେ ସମୟେ ତ କବେ ଅସମୟେ

ସେଦିନ ,

ସ୍ଵଚ୍ଛ ହୃଦୟେ ନୀରୀମାଖି ମନ ନେଇ

ପରିଚୟ ଖୋଜିଚାଲୁଥିବା ମନ ଟି

ଜୀବନ ପୁସ୍ତକେ ଲେଖିଦେଲା

ଧିମି ହେଇଯାଉଥିବା ହୃଦ ସ୍ପନ୍ଦନ ଟି

କ୍ଷିପ୍ର ହୋଇ ଆହ୍ୱାନ କରୁଥିଲା,

   ମୁଁ ଏକ ଭାବିକା

   ମୁଁ ଏକ ଲେଖିକା