ପଣା ସଂକରାନ୍ତି ଦେଲା ବାରତା

ପଣା ସଂକରାନ୍ତି ଦେଇଗଲା ବାର୍ତ୍ତା

ଗ୍ରୀଷମ ଆଗମ କଥା

ସଂସ୍କୃତି ଛଳରେ ଛନ୍ଦି ହୋଇ ଅଛି

ଓଡିଆ ଜୀବନ ଗାଥା ।

ପଣା ସଂକ୍ରାନ୍ତି ତ ଦେଇଛି ବାରତା

ଗ୍ରୀଷମେ ଜୀଇଁବା ରୀତି

ପଣା, ପାଣି ଆଉ ଆମ ତୋରାଣି ର

ମହତ୍ତ୍ଵ କଥା କହୁଛି ।

ପଣା ସଂକରାନ୍ତି ଦେଲାଣି ବାରତା

ଜଳଦାନର ମହତ୍ତ୍ଵ

ତୁଳସୀ ଚଉରା ମୂଳେ ବସୁନ୍ଧରା

ପଣା ଓଳିରୁ ନିର୍ଗତ ।

ଅଗଣା ତୁଳସୀ ବୃକ୍ଷର ପ୍ରତୀକ

ବଞ୍ଚାଇବା ଆମ କାମ

ପଣା ସଂକରାନ୍ତି ଦେଉଛି ବାରତା

ଜଳଛତ୍ର ହାଣ୍ଡି ଆଣ ।

ପଣା ସଂକରାନ୍ତି ଦେଉଛି ପରା ଲୋ

ଯାଗ ଯଜ୍ଞର ବାରତା

ଧରଣୀ ବୁକୁର କ୍ଷତି କାରୀ ଜୀବେ

ଜାଗିବ ଯେ ତନ୍ମୟତା |

ଯଜ୍ଞର ମନ୍ତ୍ରରେ ଜୀବ ମନେ ହେବ

ସକରାତ୍ମକ ଗୁଞ୍ଜନ

ଯଜ୍ଞ ର ଧୂଆଁରେ ଧରାରେ ଲୋଟିବେ

କ୍ଷତି କାରୀ କୀଟ ଗଣ |

ପଣା ସଂକରାନ୍ତି ଦେଇଗଲା ବାର୍ତ୍ତା

ଗ୍ରୀଷମ ବିଷମ କଥା

ପାନୀୟ ଗୁରୁତ୍ୱ ମଣିଷକୁ କହେ

ହେବାକୁ ସଭିଙ୍କ ସଖା ।

କହୁଛି ସଂକ୍ରାନ୍ତି ପଥିକଟେ ପାଇଁ

ପଥେ ରଖ ଜଳପାତ୍ର

ବୃକ୍ଷ ରାଜି ପାଇଁ ସଂବେଦନ ହୁଅ

ଜଳଦେଇ କର ତୋଷ ।

ପଣା ଦେଉଅଛି ପାଣିର ସମ୍ବାଦ

ସଭିଙ୍କ ପାଇଁକି ଲୋଡ଼ା

ଜଳ ବିନା ପରା ଜୀବନ ନ ବଞ୍ଚେ

ମାରିଲାଣି ଝାଞ୍ଜି ଖରା ।

ପଣା ହେଲାଣି ଯେ ମନ୍ଦିର ବେଢାରେ

ହନୁମାନ ଜନ୍ମ ଦିନ 

ଗ୍ରୀଷମ ବିଷମ ସମୟ ପାଇଁ କି

ସର୍ବେ ହେବା ଏକ ମନ ।

ପଣାର ବାର୍ତ୍ତା କୁ ମନେ ହେଜି ଚାଲ

ପାଣି,ତେରାଣି ବାଣ୍ଟିବା

ବାହାରେ,ଛାତରେ ପାଣି ପାତ୍ର ରଖି

ଧର୍ମ ଅର୍ଜନ କରିବା |

ଗ୍ରୀଷମ ବିଷମ ସମୟରେ ଚାଲ

ଜଳଦନ କରି ଯିବା

ବୃକ୍ଷରାଜି ଆଉ ଜୀବନନ୍ତୁ ପକ୍ଷୀ

କୁଳକୁ ରକ୍ଷା କରିବା ।

ପଣା ସଂକରାନ୍ତି ଦେଲାଣି ବାରତା

ଜୀବନ ସାର୍ଥକ ପାଇଁ

ମଣିଷ ଜୀବନ ସାର୍ଥକ କରିବା

ପ୍ରତି ଜୀବେ ପ୍ରେମ ଦେଇ ।