Library
ଶାନ୍ତି ଅହିଂସାର ପୂଜାରୀ
ଶାନ୍ତି ଅହିଂସାର ପୂଜାରୀ
ହେ ଗାନ୍ଧୀଜି ଭାରତ ମାଟିର
ସୁଯୋଗ୍ୟ ସନ୍ତାନ,
ଶାନ୍ତିର ଦେବଦୂତ ସାଜି ରଖିଗଲ
ମାଟିର ମାନ |୧|
ତୁମ ଆଣ୍ଠୁ ଲୁଚେ ନାହିଁ, ତୁମେ
ଯାହା ଲୁଗା ପିନ୍ଧିଲ
ଗରିବ ଦୁଃଖରେ ଦୁଃଖୀ, ପ୍ରକୃତ
ରେ ସେବକ ଥିଲ |୨|
ବିଶ୍ୱରେ ସିନା ବୋଲାଇଲ ଅଧା
ଲଙ୍ଗଳା ଫକୀର
ଦେଖାଇଲ କମାଲ କଅଣ କରି
ପାରେ ସେ ଫକୀର |୩|
ଦେଲ ବୁଦ୍ଧି ନୟନେ ନଦେଖିବାକୁ
ଅପରାଧୀର ଅପରାଧ
କର୍ଣ୍ଣରେ ନଶୁଣିବାକୁ କେବେ ପରର
ନିନ୍ଦା ଅବା ଅପବାଦ |୪|
ଜୀବନରେ ସମସ୍ତଙ୍କ ହିତେ କରିବାକୁ
ସଦା ସର୍ବଦା ସୁକର୍ମ
ମନ ମାନସରେ ପରହିତାର୍ଥେ କରିବାକୁ
ସୁମାର୍ଗେ ଗମନ |୫|
କାହାରି ମନରେ ବାଧା ଦେବା ନାହିଁ
କହି କିଛି କଟୁ ବାଣୀ
ମଙ୍ଗଳ ମୟ ଭଗବାନଙ୍କ ନିକଟେ
କରିବାକୁ ଏତିକି ମାଗୁଣି |୬|
ହେ ମହାତ୍ମା ଦେଇ ଯାଇଅଛ ତୁମ୍ଭେ
ସତ୍ୟ ଅହିଂସା ବାର୍ତ୍ତା
ବିଶ୍ୱ ବାସୀ ତୁମ୍ଭ ମନ୍ତ୍ରେ ଅଭିମନ୍ତ୍ରିତ,
ମହାମାନଵ ବିଶ୍ବପିତା |୭|
ସ୍ୱଚ୍ଛ ସମାଜ, ସୁନାର ଭାରତ ସ୍ୱପ୍ନ
ଦେଖିଥିଲ ଦିନେ
ଚିନ୍ତା କରିବାର ସମୟ ଆସିଛି, ପୁରଣ
ହୋଇଛି କି ମନେ |୮|
କଳ୍ପନା ତୁମ ସ୍ବାଧୀନତା ପରେ ନାରୀ
ର ନଥିବ ଡର ଭୟ
ନାରୀମାଂସଲୋଭୀ ଶାସନେ ବସନ୍ତି
ଦେଖ ରାକ୍ଷସ ହୃଦୟ |୯|
ହେ ବାପୁଜୀ, ଭାରତର ଏବେ ଦେଖ
କି ହୋଇଛି ପରିସ୍ଥିତି
ପଥବଣା ହୋଇଛନ୍ତି, ବଦଳୁଛି ତୁମର
ସମସ୍ତ ରୀତି ନୀତି |୧୦|
ଶାନ୍ତିର ଦୀକ୍ଷା ବିଶ୍ୱେ ଦେଇ ଯାଇଥିଲ
ଅହିଂସାର ମନ୍ତ୍ର ଗାଇ
ତୁମ ନାମେ ଶାସନରେ ବସି ଶାସକ
ଆଜି ଧ୍ୱଂସରେ ଲାଗଇ |୧୧|
ନ୍ୟସ୍ତ ସ୍ବାର୍ଥ ପାଇଁ ଘୃଣ୍ଯ ରାଜନୀତିରେ
ପଶନ୍ତି ଏ ଯୁଗର ନେତା
ରକ୍ଷକ ହୋଇ ଭକ୍ଷକ ସାଜିଛି, ନୀରବ
ଆଜି ଆମର ଜନତା |୧୨|
କିଷାନ ଦେଶର ଶ୍ୱାସ ପ୍ରାଣ କଲ ତାଙ୍କ
ଜୟର ସ୍ଲୋଗାନ
ଦେଶକୁ ଖାଆନ୍ତି ଲୁଟି ନେତା ଭୁଲିଯାଇ
ସର୍ବ ହିତାହିତ ଜ୍ଞାନ |୧୩|
