ବିଶ୍ଳେଷଣ

ଆକାଶ ଆଖିରେ ନିଆଁ

ମାଟିର ବୁକୁରେ ନିଆଁ

କବିର ଉଦରେ ନିଆଁ

କବିତା ଅଧରେ ନିଆଁ

ସଧବା ସିନ୍ଦୂର ରେ ନିଆଁ

ବିଧବା ବିଧୂର ରେ ନିଆଁ

ବାଦଲ ସ୍ଫୁଲିଙ୍ଗରେ ନିଆଁ

ବାରଙ୍ଗନା ଆଲିଙ୍ଗନରେ ନିଆଁ

ଶ୍ରାବଣର ବରଷା ଛିଟାରେ ନିଆଁ

ଫଗୁଣର ପହିଲି ପ୍ରେମରେ ନିଆଁ

ଅଶିଣର ପୁନିଅଁ ଜହ୍ନରେ ନିଆଁ

କାର୍ତ୍ତିକର କାଉଁରି କାଠିରେ ନିଆଁ

ସାମ୍ୟବାଦୀ ଲାଲ ଝଣ୍ଡାରେ ନିଆଁ

ସନ୍ତ୍ରାସବାଦୀ ଶିବିର ପିଣ୍ଡାରେ ନିଆଁ

ନିଆଁ ଖାଲି ନିଆଁ

ଯୁଆଡ଼େ ଚାହିଁଲେ ନିଆଁ

ଷଠି ଘର ଏନ୍ତୁଡ଼ି ହାଣ୍ଡିରେ ନିଆଁ

ଶମଶାନ ଜୁଇର ଗାତରେ ନିଆଁ

ସବୁଠି ନିଆଁ ଆଉ ନିଆଁ

ଜଳି ପୋଡ଼ି ଛାରଖାର ହୋଇଯାଏ

ଜୀବନ, ଯୌବନ ଓ ବିଶ୍ବାସ

ବିଭାଜ୍ୟ ହେଇ ନପାରି

ରହିଯାଏ ଭାଗଶେଷ

ମୁଠାଏ ପାଉଁଶ ।