चम चम चमकीला

चम चम चमकीला

फ्रॉक मला हवा

हट्ट केला बाबांजवळ

रडून गोंधळ घातला आईजवळ

चम चम चमकीला

फ्रॉक घेण्या गेलो बाजारात

दुकाने घातली पालथी

हा नाही तो नाही... 

नखरे माझे भारी

चम चम चमकीला

फ्रॉक मला हवा

नाही मिळाला बाजारात...

रड रड रडून

घरी गोंधळ घातला

रात्र झाली खूप

शांत मी झोपले...

उठले मी मध्यरात्री

आई बाबांना उठवले

घेऊन गेले अंगणात

दाखवले चमकते आकाश...

आकाशातले चमकते तारे

हवे मला फ्रॉकवर

बघा कसे चमकतात

उजळून निघतो अंधार... 

नसता तूम्ही जवळ

तेव्हा घाबरते मी

चम चम चमकीला

फ्रॉक माझा आधार!!!

चम चम चमकीला

फ्रॉक मला हवा!!!