पहिला विमान प्रवास 😊
पहिला विमान प्रवास 😊
आकाशात उड़ता येण्याचा आनंद वाटी यावा ना प्रत्येकाच्या
प्रवासरूपी का होईना अनुभव एक तरी पदरी असावा स्व:ताच्या
लगबग चालू होती, आवरा आवर सामानाची
आतुरता होती मनी पहिल्या विमानप्रवासाची
पासपोर्ट, व्हिजा गरजेचा, बाकी सारे सोडुन
चालणार नाही विमानतळावर एक ही कायदा मोडून
विमानतळाचे आवर बघण्यासारखे होते जरी
तपास यंत्रणेची तिथल्या गम्मत वाटली खरी
पदोंपदी प्रत्येकाला बारकाईने तपासल्या जाई
अतिरेकी आहोत का आपण कधी असा संशय येई
तपासात पास झालो कि बसायचे प्रतीक्षालय असते जिथे
नुसती प्रतीक्षाच करायची, अजुन काही करण्यासारखे नसते तिथे
मोठ्या प्रतिक्षेनंतर दिसू लागतात धावपट्टीवरील विमाने
क्रमानेच जायचे असते तिथे घेऊन थोड़े दमाने
विमान चढ़तांना प्रवाश्यांसाठी केली होती विशिष्ट रचना
हसून स्वागत करतात हवाई सुंदरी देऊन भरमसाठ सूचना
उड़ान घेत असते विमान तेव्हा वाटू लागते भारी
Attention बसली असतात लहानानपासून मोठी मंडळी सारी
क्षणात मूंग्यासारखी शहरे दिसू लागतात खिड़कीतून
पोटात गोळाच येतो बघुन ते उंच आकाशातून
थोड्या वेळाने नुसतीच दिसते निळ्या पांढ-या ढगांची झालर
सेवेसाठी तयार असतात हवाई सुंदरी ताठ करून कॉलर
नुसतेच काय बसायचे म्हणून चहाची ऑर्डर दिली
शंभर रुपयात गरम पाणी आणी दूधाची पुडी आली
भलतेच हसू आले तो बेचव चहा पिवून
नको ते उद्योग करायचे नाही ठरवले कान पिळुन
शांततेत मग झोप लागली जेव्हा
लैंडिंग ची घोषणा कानी आली तेव्हा
उतरत होते विमान तेव्हा भलतीच वाटली मजा
बोलावे वाटले पायलट ला,’सावकाश घेशील राजा’
उतरताना विमानातून पुन्हा रांगेचे नियम पाळले
जमिनीवर पाय ठेवताच उडून आल्याचे सार्थक वाटले
छोटासाच पण मजेशीर असा प्रवास संपला
अनुभव पहिलाच म्हणून गाठी बांधून ठेवला.