🌹 आई🌹

मरण यातना सहन करून

दाखविले मला सुंदर जग

आई तुझे उपकार किती थोर

शब्दात व्यक्त कसे करू मग --१

तू किती सोशिक अग

तू सहनशील असे खूप

तुझ्याकडून शिकले बरेच

आई तुझे किती अनेक रूप --२

झिजली तू चंदनासम 

संघर्षमय तुझे जीवन

आतल्या आत रडते ना

सांगना मला तुझे पण मन --३

सुविचार दिले आम्हाला

संस्कार पण तूच दिले

आमच्या डगमगत्या नावेला

तूच खरचं पैलतीरी नेले --४

मैत्रीण आमची तूच झाली

संकटे निवारण तूच केली

कधी चिडली, रागावली तू

मायेपोटी कधी कठोर झाली --५

मलापण आई झाल्यावर कळल 

आईचं काळीज असतं कसं 

आयुष्यभर निस्वार्थी प्रेम करणार

गाय वासरू निरागस जसं ---६

माझ्याकडून तुला आज

मातृदिनानिमित्त छोटीशी भेट

भावना माझ्या मनाच्या आज मी

पोहचवल्या तुझ्यापर्यंत शब्दात थेट --७