स्त्री जन्मा तुझी कहाणी
स्त्री जन्मा तुझी कहाणी
जन्म तुझा होताच ग
म्हणे जन्मली कारटी
नाके डोळे मुरडीती
होती आपले पारखी ------१
आई घेई ग कुशीत
न्याहळते तुझे रूप
होई आनंद तिलाच
बघा म्हणे छान खूप -----२
बाबा देतो धीर तिला
म्हणे कन्या धन पेटी
नको विचार तू करू
लेक माझी गुणी मोठी ---३
तीच खरी भाग्यलक्ष्मी
करा तिचाच आदर
स्त्रीचे जीवन कसे हे
चार ओळीत सादर ----४
प्रवासच खडतर
स्त्रीचा जन्म ही कहाणी
जीवनात आणीबाणी
आहे ना केविलवाणी -----५
झाली अबला सबला
सुधारले ते शिक्षण
गुण चांगले पाडोनी
करी निर्भिड ती मन ----६
मोठी पदवी घेवून
चूल मुल सांभाळते
तिचे स्त्री जीवन तिला
आहे सुंदर कळते -- ७
खांदा लावुनी खांद्याला
पुढे क्षेत्रात ती सर्व
अभिमान नसे तिला
नसे कुठलाच गर्व --- ८
तीच स्वतःला सावरी
उभी असे संकटात
परिस्थिती कोणतीही
करी ती त्यावर मात --- ९
स्त्रीजीवन अनमोल
बाळा सृष्टीचे दर्शन
धन्य माता तीच असे
निस्वार्थीच असे मन ---१०