ଏଇତ ଆମ ଜୀବନ

ଖରାର ତାତିରୁ                ଡହଳ ବିକଳ

         ହେଉ ଅଛୁ ଛାତି ପିଟି

ଗରମ ପ୍ରଭାବ                ବଢି ଯାଉଅଛି

        ତାତି ଯାଉଅଛି ମାଟି ।

ବୃକ୍ଷ କମିଗଲା              ଧ୍ୟାନ ଦିଅ ଭାଇ

       ନହେଲେ ବୁଡିବ ଭେଳା

ଏସି ଫ୍ରିଜ କିଣି          ଆରାମ ଖୋଜିଲେ

       ଦିନେ ହେବା ଗୁଲଗୁଲା ।

ଦିନଟେ ଆସିବ               ଗରମ ପ୍ରଭାବ

       ସହି ପାରିବା ନି କେହି

ସେଥି ପାଇଁ ଆମେ          ଆଗକୁ ଭାବିବା

       ଆମ ଛୁଆ ପିଲା ପାଇଁ ।

ପ୍ରକୃତି ରାଣୀ କୁ              ସବୁଜ କରିବା

       ସଭିଙ୍କୁ ଏକତା କରି

ବରସା ରାଣୀ ର           ସମୟ ଆସିଲେ

        ଚାରା ଦେବା ଆମେ ବୁଣି ।

ଶୂନ୍ୟ ଯାଗା ଦେଖି        ଲଗେଇବା ଚାରା

         ଯତନ କରିବା ଯାଇ

ହୃଷ୍ଠ ପୃଷ୍ଠ କରି              ବଢେଇବା ତାକୁ

          ଆମେ ସର୍ବେ ଏକ ହୋଇ ।

ବୃକ୍ଷଟି ବଞ୍ଚିଲେ              ଆମେବି ବଞ୍ଚିବା

          ତାହାଠାରୁ ଖାଦ୍ୟ ପାଇ

ଅନେକ ପ୍ରକାର               ଲାଭବି ପାଇବା

           ସୁଖରେ ପାରିବା ରହି ।

ପ୍ରକୃତି ପୃଷ୍ଠରେ                 ସୁଖର ଲହରୀ

          ଖେଳୁଥିବା ଚାରି ପଟେ

ସବୁଜ ସୁନ୍ଦର                 ଚତୁର୍ଦ୍ଦିଗ ଶୋଭା

          ହୋଇଯିବ ସବୁ ଠାରେ ।

ହେଳା କରିବା ନି           ବେଳ ଥାଉ ଥାଉ

          ଦେବା ତାର ସଦା ଧ୍ଯାନ

ସଭିଙ୍କ ମଙ୍ଗଳ               ମନାସିବା ସର୍ବେ

          ଏଇତ ଆମ ଜୀବନ ।