ଶ୍ରଦ୍ଧା ଓ ପ୍ରେମ
ଶ୍ରଦ୍ଧା ଓ ପ୍ରେମ
ଭଜନ ଜଣାଣ ଗାଇ ଯାଉ ଦିନ
ତୁମ ନାମ ଗାଇ ଗାଇ
ମଦନ ମୋହନ ଆହେ ବେଣୁ ପାଣି
ତୁମେ ପ୍ରଭୁ ଭାବ ଗ୍ରାହି ।
ଶ୍ରଦ୍ଧା ଭକ୍ତି ସହ ତୁମନାମ ଧରି
ପ୍ରେମରେ ବିଭୋର ମୁହିଁ
ତୁମ ପ୍ରତିଛବି ପ୍ରତି ମୁହୁର୍ତ୍ତରେ
ମୋ ନୟନେ ଅଛି ରହି ।
ଏଇ ପ୍ରେମ ଆଉ ଶ୍ରଦ୍ଧା ଭକ୍ତି ଥାଉ
ତୁମଠି ଆଶ୍ରିତ ମୁହିଁ
ଆଉ ଅନ୍ୟ ଆଶା ନ ଆସୁ ଜୀବନେ
ତୁମ ପଥ ଅଛି ଚାହିଁ ।
ଏ ଜୀବନ ପ୍ରଭୁ ସବୁ ତୁମ ଦାନ
ତୁମ ପ୍ରେମେ ଅନ୍ଧ ମୁହିଁ
ଏ ସାରା ସଂସାର କୁସୁମିତ ରହୁ
ସର୍ବଦା ମୁଁ ଭାବୁ ଅଛି ।
ମୁଁ ଛାର ଅବୋଧ ପ୍ରାର୍ଥନା କରୁଛି
ସତ୍ୟ ଧର୍ମ ପଥ ଚାହିଁ
ଅବାଟରେ ଗଲେ ପଥ ଦେଖାଇବ
ଏତିକି ଭାବୁଛି ମୁହିଁ ।
କାହିଁ କି କେଜାଣେ ମିଛ ର ଜାଳରେ
ଛନ୍ଦି ରହିଅଛି ମୁହିଁ
ଏ ସାରା ସଂସାରେ ତୁମ ନାମ ଛଡା
କଣ ବା ପାଇବି ମୁହିଁ ।
ଏ ସାରା ସଂସାର ତୁମ ପରା ସୃଷ୍ଟି
ସବୁ ଠାରେ ତୁମ ଲିଳା
ଆଉ କି ବଣ୍ଣିବି ଆହେ ଚକାଡୋଳା
ଶ୍ରଦ୍ଧା ଓ ପ୍ରେମର ମାଳା ।