ଶକ୍ତି ଓ ପ୍ରଗତି

କୃଷକ ଭାଇଟି ସାରା ରାଇଜର

ପାଳନ କରତା ଚାଷୀ

ଦିନ ରାତି ଖଟି ପାଳୁଛି ପରଜା

ତଥାପି ରହୁଛି ଖୁସି ।

ଛଅ ତୁଣ ଆଉ ନଅ ଭଜା କେବେ

ଖାଇବାକୁ ନ ଖୋଜେ

ବାସି ପଖାଳ ଓ ତୋରାଣି ପିଇକି

ଆରାମେ କାମରେ ଲାଗେ ।

ନିଜକୁ ସନ୍ତୋଷ ତୃପ୍ତ ବୋଧ କରି

ନିଜ କାର୍ଯ୍ୟେ ମାତି ଥାଏ

ସାରା ଜଗତକୁ ପ୍ରଗତି ଦେଖାଇ

ନିଜେ ବି ଖୁସିରେ ରୁହେ ।

ସାରା ପରିବାର ନିଜ ଛୁଆପିଲା

ସଭିଙ୍କୁ ଏକତା ରଖେ

ନିଜେ ଦୁଃଖେ ଖଟି ଆରାମରେ ରଖେ

ସଭିଙ୍କୁ ନିଜର ଭାବେ ।

ଛୁଆ ପିଲା ପରି ଯତନେ ସଶ୍ଯ କୁ

ଛୋଟରୁ ବଢାଇ ଥାଏ

ସୁନାର ଫସଳ ପାଇଁ ତା'ର ଚିନ୍ତା

ମନରୁ କେବେ ନଯାଏ ।

ଖରା ବରଷାକୁ ଖାତିରି ନ କରି

ନିଜ କାର୍ଯ୍ୟେ ଲିପ୍ତ ରୁହେ

ଏଇ ପରା ଆମ ଚାଷୀ ବୀରତ୍ବର

ଶକ୍ତି ପରିଚୟ ଦିଏ ।

ତାହାରି ପାଇଁ ତ ଆମେ ବି ଗର୍ବିତ

ପ୍ରଗତି ର ଉନ୍ନତି ହୁଏ

ଅତି ଆନନ୍ଦ ରେ ଦିଇ ମୁଠା ଅନ୍ନ

ଆରାମରେ ମିଳିଥାଏ ।

ଉତ୍ତମ ବିଚାର ଚିନ୍ତା ଶକ୍ତି ତା'ର

କହିଲେ କେବେନ ସରେ

ସାରା ଦୁନିଆଁ ର ପାଳନ କରତା

ପ୍ରଗତି ପାଇଁ କି ଚାହେଁ ।