କର୍ତ୍ତବ୍ୟ ଓ ସେବା

ପିତା ମାତା ତାଙ୍କ          କର୍ତ୍ତବ୍ଯ କରିଣ

        ଛୋଟ ରୁ ବଡ କରିଲେ

କେତେ ଅଳି ଆଉ            ଅଝଟ ସହିଣ

       ନାଆଟି ସାର୍ଥକ କଲେ  ।

ସର୍ବଦା ମଙ୍ଗଳ              କାମନା ମନାସି

        ଦୂରେଇ ଯାଉ ନ ଥିଲେ

ଯେତେ ଦୁଃଖ କଷ୍ଟ       ନିଜ ମୁଣ୍ଡେ ନେଇ

         ସୁଖରେ ତ ରଖୁଥିଲେ ।

ଅନେକରେ ଏକ           କର୍ତ୍ତବ୍ଯ କରିଣ

          ଆମରି ନାଆଁ ରଖିଲେ

ଆଜି ବଡ ହୋଇ         ଦୁନିଆରେ ଆମେ

          ଶିକ୍ଷିତ ଯୁବକ ହେଲେ ।

ଏଇ ଧରା ପୃଷ୍ଠେ          ପାଦ ପକାଇଛେ

          କେବଳ ତାଙ୍କରି କୋଳେ

ଅଣଦେଖା କେବେ         କରିବା ନାହିଁ ଟି

          ପାଖେ ଥିବା ସବୁ ବେଳେ ।

ଅମୂଲ୍ୟ ଏ ଋଣ          ସେବା ଓ କର୍ତ୍ତବ୍ୟ

         ଧ୍ୟାନ ଦେବା ସବୁ ବେଳେ

ସାରା ଦୁନିଆଁରେ            ନାଆଟି ରହିବ

          ବିପଦ ନ ହେବ କାଳେ ।

ବୁଢା ବାପା ମାଆ         ସୁଖରେ ରହିଲେ

          ଭାବୁ ଥିବେ ସବୁବେଳେ

ସୁନା ପୁଅ ଆଖ୍ଯା          ମିଳିବ ସବୁଠି

           ଏମିତିକା ସେବା କଲେ  ।

ସୁଖର ଲହରି               ଖେଳି ଉଠୁଥିବ

           ଏଇ ସମ୍ମାନଟା ଥିଲେ

ପରିବାରେ ସଦା               ଆଦର ମିଳିବ

           ଭାବୁଥିବା ସବୁବେଳେ ।

ନିଜେ ଶିଖିବା ଓ            ଅନ୍ଯଠୁ ଶିଖିବା

         ଆମେ ମାନେ ସଦା ବେଳେ

ତାହାହିଁ ତ ସତ୍ୟ        ଏଇ ସଂସାରରେ

         ଘଟୁଥାଉ ସବୁବେଳେ ।