ପ୍ରେମ - ଏକ ଆତ୍ମୀୟ ପ୍ରତିଶ୍ରୁତି

ପ୍ରେମ ଏକ ଆତ୍ମୀୟ ପ୍ରତିଶ୍ରୁତି,

ଅନେକ ବାଧା ବାଧକତାରେ,

ପଡ଼ିବାକୁ ଦିଏନି ସମ୍ପର୍କରେ ଇତି ।

ପ୍ରେମ ଦୁଃଖ ସହି,

ସୁଖ ଦେବାର ଆନନ୍ଦରେ ଆତ୍ମହରା,

ବେଳେ ବେଳେ ନିରବେ ପାରେନା ରହି ।

ପ୍ରେମ ଝରା ସେଫାଳିର ବାସ,

ଧାର୍ଯ୍ୟ ସମୟ ପୂର୍ବରୁ ପଡିଲେବି ଝଡି,

ବାସୁଥାଏ ବର୍ଷ ବାର ମାସ ।

ପ୍ରେମ କେତେ ଅପାସୋରା କାହାଣୀ,

ସ୍ପର୍ଶରେ ତାହାର ଖୋଲିଦିଏ ଏକ ନୂଆ ମୁଁହାଣି,

କିଏ କେତେବେଳେ ଭାଙ୍ଗିଦିଏ ଜାଣି ।

ପ୍ରେମ ଭୁରୁ ଭୁରୁ ହୃଦୟର ଗୀତ,

ରାତି ହେଲେ ଅଧିକ ଫୁଟଇ,

ତା ଲାଗି କଟିଯାଏ କେତେ ବର୍ଷା ପୁଣି ଶୀତ ।